Гадаад, Дотоод аяллын журам
Нэг. Нийтлэг үндэслэл
1. Ерөнхий заалт
1.1 Энэхүү журам нь "ТРЭНД ТРЭВЕЛ" ХХК-н Гадаад, Дотоод аялалд оролцогч бүх аялагч дагаж мөрдөх зааварчилгаа юм.
1.2 Аяллын туршид зохион байгуулалтын бүрэн эрх аяллын ахлагчид болон хөтөчид харьяалагдана.
1.3 Аялагч нь Монгол Улсын болон аялаж буй улсын хууль, дүрмийг чандлан дагаж мөрдөх үүрэгтэй.
2. Аялалд гарахаас өмнөх бэлтгэл
2.1. Паспортын хүчинтэй хугацаа. Паспортын хүчинтэй хугацаа нь аяллын дуусах 6 сараас дээш байх шаардлагатай. Хугацаа дутуу эсвэл дууссан тохиолдолд аялалд оролцох боломжгүй.
2.2. Бичиг баримтын зөрчилгүй байх
Аялал эхлэхээс өмнө иргэн бүр “Иргэний бүртгэлийн нэгдсэн систем” буюу Бүртгэлийн хэлтэст хандаж, овог, нэр, төрсөн он сар өдөр, регистрийн дугаар зэрэг бичиг баримтын зөрчил байгаа эсэхийг шалгуулах шаардлагатай. Илэрсэн зөрчлийг аяллаас өмнө засч залруулах үүрэгтэй. Үүнтэй холбоотойгоор үүссэн аливаа хүндрэл, саатлыг аялагч өөрөө бүрэн хариуцна.
2.3. Эрүүл мэндийн үзлэгт хамрагдах
Аялалд гарахын өмнө эрүүл мэндийн байгууллагад хандан биеийн байдлаа шалгуулж, тухайн аяллын маршрут (жишээ нь: халуун орон, уулын бүс, явган аялал гэх мэт)-ын онцлогт тохирсон биеийн бэлтгэлтэй байх хэрэгтэй. Эрүүл мэндийн шалтгаант саатал, хүндрэл гарсан тохиолдолд зохион байгуулагч тал хариуцахгүй.
2.4. Хувийн хэрэглээний эм бэлдэх
Аялагч нь өөрт шаардлагатай ойр зуурын болон хууч өвчний эм бэлдмэл (жишээ нь: ханиад томуу, гэдэс, ходоод, толгой өвдөлт, даралт, харшил гэх мэт) өөрийн биед ойр авч явах шаардлагатай. Эмийг зохих тун, зориулалт, нэршилтэй, бусдад андуурагдахааргүй савлагаатай авч явахыг зөвлөж байна.
2.5. Хилээр авч гарах эмийн зөвшөөрөл шалгах
Хувийн хэрэглээний эмийг хилээр гаргахдаа тухайн эм тус улсын гаалийн журмаар зөвшөөрөгдсөн эсэхийг урьдчилан судална. Шаардлагатай бол эмчийн жор, бичгийн хамт авч явах. Хураагдах, гаалийн сааталд орох зэрэг эрсдэлээс сэргийлэх нь аялагчийн өөрийн үүрэг юм.
2.6. Нэмэлт үзвэр үйлчилгээний талаар урьдчилан тохиролцох
Аяллын хөтөлбөрт багтаагүй, төлбөртэй нэмэлт үзвэр, аялал, үйлчилгээ зэргийг анх гэрээ байгуулахдаа тодорхой, албан ёсоор тохирсон байх ёстой. Хөтөлбөрөөс гадуурх нэмэлт зардлыг аялагч өөрөө хариуцна.
3. Бичиг баримт
3.1. Гадаад паспорт, бичиг баримтны бүрэн бүтэн, үнэн зөв байдлыг аялагч өөрөө хариуцах үүрэгтэй. 3.2 Гадаад паспортны тамга ууссан, норсон, урагдсан болон балаар эрээчсэн гэх мэт гадаад паспортны бүрэн бүтэн байдал алдагдсан бол хүчингүйд тооцдог тул та шинээр захиалах шаардлагатай. 3.3 Гоо сайхны хагалгаанд орсон, давхраа оёулсан, биедээ төмөр суулгасан бол эмчийн бичиг заавал авч явах. /Бичгээ англи эсвэл хятад хил дээр орчуулсан байна/
3.4 Нас харгалзахгүй бүх хүн гадаад паспорттой байна. 3.5 Аялал эхлэх үед гадаад паспортоо мартсан, орхисон гээгдүүлсэн тохиолдол аяллын төлбөр буцаан олгох боломжгүй та бүхний аяллын бүх үзвэр үйлчилгээний захиалгууд хийгдсэн байдаг. 3.6 Ямар нэгэн байдлаар өмнө нь гадагшаа гарч байсан бол явсан, ирсэн штамп заавал байх ба аль нэг нь байхгүй тохиолдолд холбогдох бичиг баримтыг заавал бүрдүүлэх, зөрчлийг арилгасан байх шаардлагатай. 3.7 18 нас хүрээгүй аялагч нь заавал эцэг эх, асран хамгаалагчтайгаа цуг явах бөгөөд өөрийн төрсний гэрчилгээ, иргэний үнэмлэхийг заавал биетээр авч явна.
3.8 18 нас хүрээгүй аялагч эцэг, эхээсээ өөр асран хамгаалагчтай явж байгаа тохиолдолд итгэмжлэх хийлгэнэ. Итгэмжлэхээ англи эсвэл тухайн улс тухайлбал Хятад руу аялаж байгаа тохиолдолд хятад хэл дээр орчуулж, орчуулгын газрын тамгыг даруулсан байна.
4. Хил гаальтай холбоотой заавар
4.1. Гадаад паспорт, хил нэвтрэх бичиг баримтаа биедээ авч явна.
4.2. Хориотой эд зүйлс (зэвсэг, галт бодис, хар тамхи, түүх соёлын үнэт зүйлс гэх мэт)-ийг хилээр авч гарах, оруулахыг хориглоно.
4.3. Хятадын гаалийн хяналт өндөр тул үндэслэлгүй маргаан, дүрэм зөрчих үйлдэл гаргахгүй байх.
4.4. Бараа бүтээгдэхүүн худалдан авахдаа хуурамч брэнд, хориотой зүйлсийг анхаарч шалгана.
5. Гадаад улсад аялаж байх үеийн журам
5.1 Аяллын хөтөлбөрөөс төлөвлөгдөөгүй маршрутаар группээс салан дур мэдэн гадуур явах, мансууруулах бодис, согтууруулах ундаа хэрэглэсний улмаас өөрийн болон бусдын эрүүл мэнд, эд хөрөнгөнд нь хохирол учруулбал хохирлыг төлөх, хариуцлага хүлээхийг анхаарах.
5.2 Аяллын хөтөлбөр болон төлбөрт ороогүй бусад зардлыг, тухайлбал зочид буудлын өрөөний мини-бар, гадаад дотоодын утасны яриа, хоолны нэмэлт зардал, гаалийн татвар, илүү ачааны төлбөр, төлөвлөгдөөгүй тээвэрлэлт гэх мэт төлбөрийг аялагч өөрөө хариуцна.
5.3 Зарим зочид буудлууд хувь хүний хэрэглээний зүйл шүдний оо, сойз зэрэг ариун цэврийн хэрэглэлийг хангадаггүй учраас эдгээр зүйлийг өөрсдөө бэлдэж авч явах
5.4 Нарын малгай, нарны тос, нүдний шил, усны хувцас, хөлд эвтэйхэн тавчик зэрэг халуун газар өмсөхөд тохиромжтой хувцас бэлдэж явах
5.5 Аяллын явцад аялагчийн буруугаас болж гарсан аливаа хохирол тухайлбал: зочид буудал, рестораны эд зүйлийг хагалж эвдэх, зочид буудлын өрөөний түлхүүр, хаалганы картыг үрэгдүүлж гэмтээх, зочид буудлын цагаан хэрэглэлийг урах гэмтээх зэрэг зөрчлийг тухайн аялагч өөрөө хариуцна
5.6 Авто машин ихтэй, хөдөлгөөний хурд харьцангуй өндөр байдаг бүс нутгуудад аялах тул явган явах үедээ замын хөдөлгөөний аюулгүй байдлыг сайтар мөрдөх, зам хөндлөн гарахдаа улаан ногоон гэрлээ сайн харж байж гарах, хэдийгээр ногоон гэрлээр гарч байгаа ч гэсэн хурдан болгоомжтой гарах, хэрэв ямар нэгэн осол гарлаа гэхэд явган хүн өөрөө хариуцлагыг хүлээдэг тул заавал болгоомжтой байх.
5.7 Хотын болон түүх соёлын дурсгалт газруудад зохисгүй үйлдэл гаргахгүй, дуу чимээ гаргахгүй, хогоо хаяхгүй.5.4. Орон нутгийн иргэд, цагдаагийн байгууллагатай зөв боловсон харьцах.
5.8. Тухайн улсад ашиглах харилцаа холбоо, интернэтийн хэрэглээ зэргийг аялагчид урьдчилан судалж өөрийн хэрэглээндээ тохируулан бэлтгэсэн байх хэрэгтэйн Тухайлбал: Хятадын дотоод интернэт хязгаарлагддаг тул VPN, WeChat, Alipay зэрэг апп бэлдсэн байх.
5.9. Эмнэлгийн заавар, эрүүл мэндийн мэдүүлэг шаардлагатай тохиолдолд үнэн зөв бөглөнө.
6. Санхүү, худалдан авалт
6.1. Хятадад ихэнх худалдаа бэлэн мөнгө бус цахимаар явагддаг тул юань (CNY) болон , WeChat/Alipay/Hipay ашиглах боломжтой.
6.2. Худалдан авалт хийхдээ хуурамч бараанаас болгоомжлох.
6.3. Бүх зардлыг аяллын гэрээний дагуу төлсөн байх.
7. Ёс зүй, соёлын мэдлэг
7.1. Аялаж буй улсын уламжлал, ёс заншлыг хүндэтгэнэ: 7.1.1. Дуутай ярих, сэгсгэр хувцастай явахыг цээрлэдэг газрууд байдаг 7.1.2. Буддын сүм, төрийн байгууламжид зураг авахыг хориглосон байх тохиолдолтой
7.2 Улс төр, үндэсний асуудлаар санал бодлоо илэрхийлэхээс зайлсхийх
7.3 Аялагч хувь хүн Хятадын хууль тогтоомж зөрчсөн тохиолдолд аяллын байгууллага хариуцлага хүлээхгүй.
8. Онцгой нөхцөл байдал
8.1 Бие өвдөх, төөрөх, бичиг баримтаа гээх зэрэг тохиолдолд нэн даруй аяллын ахлагч эсвэл хөтөчид мэдэгдэнэ.
8.2 Байгалийн давагдашгүй хүчин зүйл (цаг агаар, байгалийн гамшиг, хил хаагдах, онгоц хойшлогдох гэх мэт)-ээс шалтгаалан аяллын хоног нэмэгдэх тохиолдолд нэмэлт хоногийн зардлыг аялагч өөрөө хариуцна. Аялал зохион байгуулагч тал үүнд хариуцлага хүлээхгүй.
Дотоод аяллын журам
1. Аялалд бүртгүүлэх, төлбөрийн нөхцөл
1.1. Аялалд явахыг хүссэн иргэн аяллын компани дээр биечлэн ирж эсвэл онлайн бүртгүүлэн аяллын гэрээ байгуулна.
1.2. Аяллын төлбөрийг бүртгүүлсэн өдрөөс хойш 1–3 хоногийн дотор бүрэн төлнө.
1.3. Төлбөр төлснөөр суудал баталгаажиж, захиалга албан ёсоор хүчинтэй болно.
2. Аялалд гарахаас өмнөх бэлтгэл
2.1. Аяллын маршрутад тохирсон хувцас, гутал, бороо/нарны хамгаалалт, цүнх, гар чийдэн зэрэг бэлтгэл хийнэ.
2.2. Өөрт тохирсон эм, эмийн хэрэгсэл, ариун цэврийн хэрэглэл, жижиг хэмжээний хогийн уут авч явна.
2.3. Төрсний гэрчилгээ эсвэл иргэний үнэмлэх зэрэг бичиг баримтыг авч явна.
2.4. Өвөл, намрын аялалд дулаан хувцас, дулаан дэвсгэр, гутлын нэмэлт хэрэгсэл авч явна.
2.5. Хөдөө орон нутгийн аялалд мобайл дата, цэнэглэгч, power bank, гар ариутгагч, маск авч явбал тохиромжтой.
3. Эрүүл мэнд, аюулгүй байдал
3.1. Аялагч өөрийн эрүүл мэндийн байдал-д тохирсон аяллыг сонгох үүрэгтэй.
3.2. Архаг хууч өвчтэй бол эмчийн зөвлөгөө авсан байх, шаардлагатай эмийг өөрөө авч явна.
3.3. Аяллын явцад архидан согтуурах, бусдын эрх ашгийг хохироох үйлдэл гаргасан тохиолдолд хөтөч аяллаас хасах эрхтэй.
3.4. Аяллын явцад гарсан гэмтэл, осол, эрүүл мэндийн асуудлыг нэн даруй хөтөчид мэдэгдэнэ.
3.5. Усны ойр газар, ууланд авирах, адуу малтай харьцахдаа анхаарал болгоомжтой байж, аюулгүй байдлыг өөрөө сахина.
4. Аяллын явцад баримтлах ёс зүй, дүрэм
4.1. Хөтөлбөрийн дагуу цаг хугацаандаа цуглах, саатал гаргахгүй байх.
4.2. Аяллын хөтөчийн зааварчилгааг дагаж мөрдөх.
4.3. Байгаль орчныг хамгаалах, хог үлдээхгүй байх, ан амьтан болон түүх дурсгалын газарт хүндэтгэлтэй хандах.
4.4. Хөтөлбөрт багтаагүй нэмэлт үйлчилгээ, худалдан авалтыг аялагч өөрөө төлнө.
4.5. Аяллын унаанд хувийн сахилга бат, соёлтой харьцаа баримтална.
5. Хариуцлага ба нөхөн төлбөр
5.1. Аялагчийн буруугаас аялал тасалдсан, хоцорсон, бичиг баримтаа мартаж гээд шийдвэр гаргасан тохиолдолд аяллын төлбөр буцаан олгогдохгүй.
5.2. Байгалийн хүчин зүйл (цаг агаар, зам хаагдах гэх мэт)-ээс шалтгаалсан аяллын өөрчлөлтөд аялал зохион байгуулагч хариуцлага хүлээхгүй бөгөөд нэмэлт зардлыг аялагч өөрөө төлнө.
5.3. Аялагч өөрийн эд зүйлсээ хариуцан авч явна. Хаягдсан, гээгдсэн тохиолдолд аяллын баг хариуцахгүй.
5.4. Аяллын үеэр гаргасан эвдрэл, хохирол, бусдад учруулсан хохирлыг аялагч өөрөө хариуцна.
6. Насанд хүрээгүй аялагчид
6.1. 18-аас доош насны хүүхэд эцэг эх, асран хамгаалагчтай цуг аялалд оролцоно.
6.2. Хүүхэдтэй хамт яваа том хүн нь хүүхдийн аюулгүй байдал, сахилга батыг хариуцна.
7. Тусгай зөвлөмж
-
Гар утасны сүлжээгүй газар байх магадлалтай тул шаардлагатай хүмүүстээ мэдээлэл өгсөн байна.
-
Уул, нутаг нутгийн заншил, шашин шүтлэгт хүндэтгэлтэй хандана.
-
Хөтөч, жолооч, бусад аялагчидтай соёлтой харьцах.
Хүүхдийн аяллын журам
1. Ерөнхий нөхцөл
1.1. Хүүхдийн аялал нь эцэг эх, асран хамгаалагчийн зөвшөөрөлтэйгээр явагдана.
1.2. Аялал нь сургуулийн багш, удирдагч эсвэл аяллын хөтөчийн хяналтан дор явагдана.
1.3. Аяллын үеэр хүүхэд ёс зүй, сахилга батыг чанд сахина.
2. Бүртгэл, бичиг баримт
2.1. Хүүхдийн бүртгэлийг эцэг эх/асран хамгаалагч хийлгэж, зөвшөөрлийн маягтыг бөглөнө.
2.2. Дараах бичиг баримтыг бүрдүүлнэ:
-
Хүүхдийн төрсний гэрчилгээ (эх хувь)
-
Хүүхдийн иргэний үнэмлэх (байгаа бол)
-
Эцэг эхийн иргэний үнэмлэхний хуулбар
-
Итгэмжлэл (эцэг эхийн хамт яваагүй тохиолдолд)
2.3. 18 нас хүрээгүй хүүхэд эцэг эх эсвэл итгэмжлэлтэй насанд хүрэгчтэй л аялалд оролцоно.
3. Эрүүл мэнд ба эмчилгээ
3.1. Аялалд орохоос өмнө хүүхдийн эрүүл мэндийн байдалд үзлэг хийлгэсэн байна.
3.2. Хүүхдэд тохирох эмийн сангийн жижиг цүнх бэлдэж өгнө (хувийн хэрэглээний эмүүдийг оролцуулан).
3.3. Аялагч хүүхэд өөрт нь зохицохгүй хоол хүнс, харшилтай бол урьдчилан мэдэгдэнэ.
3.4. Хүүхэд аяллын үеэр бэртэх, өвдөх тохиолдолд хамгийн ойрын эмнэлэгт яаралтай хүргэх ба эцэг эхэд мэдэгдэнэ.
4. Хүүхдийн аюулгүй байдал
4.1. Хүүхэд хөтөч, багшийн зааврыг бүрэн дагана.
4.2. Замдаа хүүхэд бие даан замаас салах, ганцаараа явахыг хориглоно.
4.3. Усан сан, гол мөрөн, өндөрлөг газар гэх мэт аюултай бүсэд зөвшөөрөлгүй очихыг хориглоно.
4.4. Хүүхдэд гар утас, үнэт эдлэл, их хэмжээний мөнгө авч явахыг хязгаарлана.
4.5. Эд зүйлээ гээгдүүлсэн, эвдэлсэн тохиолдолд аялагч хүүхэд болон эцэг эх нь хариуцна.
5. Сахилга бат ба харилцаа
5.1. Хүүхэд аяллын туршид ёс суртахуунтай, соёлтой харьцах үүрэгтэй.
5.2. Бусад хүүхэдтэй маргалдах, үл хүндэтгэх, дээрэлхэх үйлдэл гаргахгүй.
5.3. Тамхи, согтууруулах ундаа, эрсдэлтэй тоглоом, төхөөрөмж ашиглахыг хатуу хориглоно.
5.4. Аливаа ноцтой зөрчил гаргасан тохиолдолд аяллаас шууд хасаж, эцэг эхэд мэдэгдэнэ.
6. Хоол
6.1. Аяллын явцад хоолыг зохион байгуулагчийн төлөвлөгөөнд нийцүүлэн өгнө.
6.2. Хоолны орц-д харшилтай бол эцэг эхийн зүгээс урьдчилан анхааруулсан байх шаардлагатай.
6.3. Аяллын турш амралт, унтах байр нь хүүхдэд аюулгүй, тохилог, эрүүл ахуйн шаардлага хангасан орчин байна.
7. Хүүхдийн дагалдагч багш / хөтөч
7.1. Аялалд нэг бүлэгт хамгийн багадаа 2 хариуцсан том хүн (багш, хөтөч) заавал байна.
7.2. Хөтөч нь дараах үүрэгтэй:
-
Хүүхдийн байршлыг тогтмол хянах
-
Аюулгүй байдал хангаж, сахилга сахиулах
-
Эцэг эхчүүдтэй холбоо барих
-
Яаралтай үед шуурхай арга хэмжээ авах
8. Цуцлалт ба буцаалт
8.1. Хүүхдийн аяллыг эцэг эх нь аяллаас өмнө албан ёсоор цуцалж болно.
8.2. Аяллын өмнөх хугацаанаас хамааран буцаалтын нөхцөл журамд заасны дагуу хийгдэнэ.
8.3. Аялагчийн болон гэр бүлийн буруугаас үүдсэн таслалт, сааталд зохион байгуулагч хариуцахгүй.
9. Нэмэлт журам
-
Хүүхдийн утас цэнэгтэй, сүлжээ ордог газруудад ажилладаг байх
-
Аялалд гарахын өмнө хүүхдэд анхан шатны аюулгүй байдлын заавар өгсөн байх
-
Хүүхдэд усан болон уулын аялалд зориулсан тусгай хувцас, гутал бэлдсэн байх
-
Хүүхдийн нэр, багшийн утас, эрүүл мэндийн мэдээлэл бүхий нэрийн хуудас цүнхэнд нь байх
-
Ууртай, сэтгэлзүйн тогтворгүй, хөдөлгөөний хүнд хэлбэрийн бэрхшээлтэй хүүхдийг тусгай анхаарал дор оролцуулах энэ тухай зохион байгуулагчид мэдэгдэх
Нислэгтэй аяллын журам
1. Ерөнхий нөхцөл
1.1. Аялагч нь нислэгтэй аялалд оролцохын тулд паспорт, онгоцны тийз, виз зэрэг бичиг баримтыг бүрдүүлсэн байна.
1.2. Нислэгтэй аяллын хуваарьт цаг хугацаа, нислэгийн компани, буух газар зэрэг чухал мэдээлэл урьдчилан мэдэгдэнэ.
1.3. Аяллын зохион байгуулагчийн зааврыг бүрэн дагаж, хамт олонтойгоо нэгдэж хөдөлнө.
1.4 . Аялагч нь шууд нислэгийн тасалбар нь хатуу нөхцөлтэй, 100 хувь буцаагдахгүйг анхаарах, солих болон өөр хүн орондоо явуулах, хугацааг өөрчлөх, цуцлах зэрэг хүсэлтэй бол үүнтэй холбогдон гарах зардлыг аялагч өөрөө хариуцна.
1.5 Аялагч өөрийн буруугаас онгоцноос хоцрох, ийнхүү хоцорсноос үүдэн гарах аливаа зардал, хохирлыг өөрөө хариуцна.
2. Нислэгийн өмнөх бэлтгэл
2.1. Паспорт нь аяллын дуусах хугацаанаас хойш 6 сараас дээш хугацаанд хүчинтэй байх.
2.2. Паспортны хуудсууд цэвэрхэн, гэмтээгүй, бүрэн байх.
2.3. Онгоцны тийз, буудлын баталгаажуулалт, аяллын даатгалын баримтыг цахим болон цаасаар авч явах.
2.4. Виз шаардлагатай улс руу явах тохиолдолд визийг урьдчилан авч баталгаажуулсан байх.
2.5. Онгоцны нислэгээс хоёр (2)–гурван (3) цагийн өмнө нисэх онгоцны буудалд ирсэн байх.
3. Ачаа тээштэй холбоотой журам
3.1. Гар тээш болон ачаа тээшний жингийн хязгаарлалтыг нислэгийн компаниар заасан хэмжээний дагуу мөрдөнө:
-
Энгийн ангилал: 20–30 кг ачаа + 7–10 кг гар тээш
-
Бизнес ангилал: 30–40 кг ачаа + 10 кг гар тээш
3.2. Шингэн зүйл, хурц иртэй багаж, шатамхай болон тэсэрч дэлбэрэх бодисыг гар тээшинд авч явахыг хориглоно.
3.3. Гар тээшиндээ повер банк буюу батерей цэнэглэгч, зөөврийн компьютер зэргийг авч явна. /Зөвшөөрөгдөх хэмжээ 20,000mAh/.
3.4. Онгоцонд суухад гар тээшиндээ 100мг-с илүү хэмжээний шингэн зүйлс, иртэй зүйл авч орохыг хориглодог тул бүх шингэн зүйлсийг ачаанд өгсөн байх шаардлагатай. Онгоцны буудал доторх татваргүй барааны дэлгүүрээс авсан зүйлс хамаарахгүй болно.
4. Онгоцонд зорчих үеийн анхааруулга
4.1. Онгоцонд суух, буух, суудал эзлэх, аюулгүйн заавар, суудлын бүс хэрэглэх зэрэг зааврыг нислэгийн багийн зүгээс анхааралтай дагах.
4.2. Согтууруулах ундаа хэрэглэсэн, бусад зорчигчидтой үл зохистой харьцсан тохиолдолд тэнгэрийн аюулгүй байдлыг зөрчсөн гэж үзэж, арга хэмжээ авна.
4.3. Онгоцонд утас, bluetooth, сүлжээтэй төхөөрөмжийг хөөрөх, буух үед унтраах эсвэл нислэгийн горимд шилжүүлэх.
4.4. Жирэмсэн, өвчтэй, хүүхэдтэй аялагчид нислэгийн өмнө эмчийн зөвлөгөө авахыг зөвлөж байна.
5. Эрүүл мэнд, онцгой нөхцөл байдал
5.1. Өөрт тохирсон эм, эмчилгээний бичиг, хэрэгслээ авч явах. Хилээр гарах шаардлагатай эм бол эмчийн бичигтэй байна.
5.2. Агаарын даралт өөрчлөгдөх үед чих бөглөрөх, дотор муухайрах зэрэг шинж илэрч болзошгүй тул ус уух, чихэвч хэрэглэх, бохь зажлах зэрэг аргаар сэргийлнэ.
5.3. Хэрэв тасалбартай ч нислэгээс хоцорсон бол нөхөн олговоргүй бөгөөд нэмэлт зардлыг аялагч өөрөө хариуцна. /Тийз хатуу нөхцөлтэй/
6. Аяллын хөтөлбөр ба холболт
6.1. Холбогдох нислэгүүдийн хуваарь, хүлээлгийн хугацааг урьдчилан анхааруулна.
6.2. Холбогдох дамжин нисэх буудлуудад транзит зааварчилгаа болон виз шаардлагатай эсэхийг шалгана.
6.3. Аяллын хөтөлбөрт багтсан онгоцны буудлаас буудал хүрэх тээвэрлэлт, хөтөч, хүлээн авалт зэргийг аяллын баг зохион байгуулна.
7. Цуцлалт, тасалдал, саатал
7.1. Цаг агаар, техникийн саатал зэрэг шалтгаанаар нислэг саатах, цуцлагдах тохиолдолд нислэгийн компанийн нөхцөлийг дагана.
7.2. Саатлын үеэр хоол, байрны хангамжийг тухайн нислэгийн компани шийдвэрлэх ба аяллын байгууллагаас шууд хамаарахгүй.
7.3. Аялагчийн хувийн шалтгаанаар нислэгт хоцрох, ирээгүй, бичиг баримтаа гээсэн бол аяллын мөнгө нөхөн олгогдохгүй.
8. Тусгай анхаарах зүйлс
-
Нисэх буудал дээр паспорт, тийз, виз, эрүүл мэндийн бичиг зэрэг баримт бичгийг нэг дор бэлдэж авч явах
-
Хил гаалиар нэвтрэхдээ эм, электрон төхөөрөмж, их хэмжээний валют зэргийг мэдүүлнэ
-
Чухал зүйлсийг гар тээшинд, эвдрэх магадлалтай, эсвэл хэрэгцээтэй зүйлсийг тусад нь савлаж бэлтгэнэ
-
Эмзэг ачаа, үнэт эдлэл, их хэмжээний мөнгийг бүртгүүлэхдээ онцгой анхааралтай байх
Аюулгүй байдлын сануулга
-
Аялахаасаа өмнө маш сайн судалгаа хийх
Энэ бол аюулгүй аялах хамгийн эхний дүрэм. Аялал гэдэг мөнгө байхад л болчихдог зүйл биш. Аялах газраа сонгохдоо ямар соёл уламжлалтай улс болох, улс төрийн нөхцөл байдал ямар байгаа эсэх, аялагчдын хамгийн их очдог болон очихоос зайлсхийдэг газрууд, өвөрмөц зан үйлүүд, буудаллах газраа зөв сонгох зэрэг алхам тутмаа сайтар тооцоолж байж явах хэрэгтэй.
1.Аяллын явцад аяллын компаниас өгсөн болон хөтөчийн заавар зөвлөмжийг хатуу мөрдөнө.
2. Гадаад паспорт, иргэний үнэмлэх зэрэг чухал бичиг баримт болон үнэ бүхий эд зүйлсээ биедээ байнга авч явах.
3. Далайн эрэг дээр ирэхдээ цаг агаарыг урьдчилан мэдсэн байх. Далайд сэлэхдээ заасан шугамын дотор сэлэх, хэт гүнзгий газарлуу сэлэхээс зайлсхийх.
4. Бие эвгүйрхсэн юм уу согтууруулах ундаа хэрэглэсэн үедээ сэлэхгүй байх.
5. Байгалиа хайрлан энд тэндэхийн ногоон зүлэг, цэцгэн дээр гишгэхгүй байх. 6. Далайн эрэг дээр амрахдаа эд зүйлсээ хаяхаас сэрэмжлэх.
7. Халуун бороотой бүс нутгаар зугаалах тохиолдолд янз бүрийн хорхой, шавьжинд хазуулахаас сэргийлж урт ханцуйтай цамц, өмд өмсөж явах.
8. Гадагшаа гарах тохиолдолд буудлынхаа цонхыг сайтар хааж хулгай орохоос сэргийлэх. Үнэ бүхий эд зүйлсээ буудлын сефэнд хадгалах.
9. Авч яваа зүйлс, паспорт зэргээ сэрэмжтэй хянамгай авч явах. Багаараа явж байгаа жуулчид өөр өөрсдийн ачаа тээшийг бүрэн хариуцаж, бусдад найдахгүй байх.
10. Саун, бассейнд орохдоо хальтирч унахаас болгоомжлох. Тухайн газрын аюулгүйн зааварчилгааг дагаж мөрдөх.
11. Чөлөөт өдөр ганцаараа хол явахаас зайлсхийх. Буудлаас гарсан тохиолдолд буудлын хаяг, нэрийн хуудсыг заавал биедээ авч явах.
12. Мөн эмэгтэй аялагчдын хувьд сүсэг бишрэл ихтэй газраар аялах гэж байгаа бол хэт задгай хувцас өмсөхөөс зайлсхийж, аль болох даруухан хувцаслахыг хичээгээрэй.
13. Үнэтэй эд зүйлээ бүү ил гарга
Бэлэн мөнгөө ил гаргах, үнэтэй эдлэл хэрэглэлээ ил задгай зүүж, гангарах нь өөрийгөө халаасны хулгайчид, дээрэмчдэд барьж өгч байгаатай адил.
Үүний оронд аль болох картаар төлбөр тооцоогоо хийж, хэрэв бэлэн мөнгө авч явах шаардлага гарвал хямдхан түр хэрэглээний, овор багатай хэтэвчинд багахан хэмжээний бэлэн мөнгөтэй явбал зохино.
14. Эд зүйлсээ болгоомжтой авч явах
Хэтэрхий олон жижиг цүнх савтай зүйл авч явах хэрэггүй. Хэрэв жижиг сажиг зүйлсээ ил авч яваа тохиолдолд хэзээ ч хараагаа салгаж болохгүй. Мөн гар тээшээ хүнд анзаарагдахааргүй кодтой жижиг цоожоор цоожил. “RDIF” хамгаалалттай хэтэвчинд банкны карт болон бусад чухал бичиг баримтуудаа хийж яв. Орчин үеийн банкны болон бусад картууд RFID (Радио долгионоор холбогддог) чиптэй учир алсын зайнаас таны картаас хүсээгүй гүйлгээ хийгдсэнээр картын мэдээллээ хулгайд алдах боломжтой юм. RFID хамгаалалттай түрийвч нь тус эрсдэлээс таныг хамгаална.
15. Аяллын даатгалд хамрагд
Аялах гэж байгаа газар тань байгалийн гамшигт үзэгдэл болдог эсэхээс үл хамааран аяллын даатгалд эргэлзэлгүйгээр даатгуул. Аяллын үеэр таныг гэнэтийн байдлаар гэмтэж бэртэх, эмнэлгийн тусламж үйлчилгээ авах, хулгайд эд зүйлсээ алдах зэрэг урьдчилан тооцоолоогүй бүх эрсдэлээс хамгаална.
16. Яаралтай үед холбогдох утасны жагсаалтыг гартаа ойр авч явах
Цагдаа, эмнэлэг, онцгой байдал гээд тухайн орон нутгийн яаралтай тусламж үйлчилгээний байгууллагууд болон өөрийн улсын Элчин сайдын яамны утас зэрэг байгууллагуудын утасны жагсаалтыг гартаа аль болох ойр авч яваарай.
17. Мөнгөө сайтар төлөвлөж зарцуулах
Хэрэв та аяллын үеэр зээлийн карт ашиглах гэж байгаа бол тухайн банкнаасаа гадаадад ашиглаж болох эсэх, карт тань түгжигдсэн эсэх, хүчинтэй хугацаа нь дуусч байгаа эсэх талаар мэдээллээ шалгаж байж яваарай. Мөн тухайн аялж буй газарт бэлэн мөнгө солиулахад хаана хамгийн нйадвартай байдгийг олж мэд. Ямар ч тохиолдолд багахан хэмжээний бэлэн мөнгөтэй яваарай. Мөн төсвөө зөв тооцоолж, хэт үрэлгэн байхаас зайлсхийгээрэй.
18. Эрүүл мэнддээ анхаарах
Хаана ч явсан өвчин намдаах эм, толгойны эм, гэдэсний эм зэрэг ойр зуурын эм бэлдмэлүүд биедээ авч яв. Аялахынхаа өмнө эмчээс зөвлөгөө авч, шаардлагатай бол вакцинд хамрагдах хэрэгтэй. Хэрэв жороор эм ууж байгаа бол аяллын хугацаанд хангалттай хүрэлцэхүйц, болж өгвөл илүү хэмжээгээр авч явах хэрэгтэй.
19. Ойр зуурын үг хэллэг сурах
Хэнд ч, хэзээ ч ямар эрсдэл тохиолдохыг урьдчилж мэдэхгүй. Тиймээс та аялах гэж буй улсынхаа хэлээр “Надад тусламж хэрэгтэй байна”, “Хамгийн ойрын эмнэлэг, цагдаагийн газар хаана вэ”, гэх мэт үг хэллэг, өгүүлбэрүүдийг чээжлэхэд илүүдэхгүй.